राजधानीसँगै जोडिएको धादिङ यसरी बन्दैछ कोरोनाको हटस्पट

काठमाडौं । राजधानी काठमाडौंसँगै जोडिएको धादिङमा पछिल्लो दिन कोरोना संक्रमितको संख्या बढेर गएको छ । दिनदिनै संक्रमित थपिएसँगै कोरोनाको हटस्पटकै रुपमा धादिङ बन्ने खतरा देखिएकाे छ । दुध दही तथा तरकारी बोकेर काठमाडाैं आवत जावत भइरहने काठमाडौं उपत्यकासँगै जोडिएको धादिङमा दिन दिनै कोरोना बढ्नले काठमाडौं उपत्यकालाई पनि खत्रामा पार्ने देखिएको छ ।

स्वास्थ्य तथा जनसंख्या मन्त्रालयले सोमबार सार्वजनिक गरेको कोरोना संक्रमितको विवरण अनुसार पछिल्लो २४ घण्टामा धादिङमा नौ जनामा कोरोना संक्रमण पुष्टि भएको छ ।

आइतबारमात्रै धादिङको नीलकण्ठ नगरपालिकाको क्वारेन्टाइनबाट आरडीटी गरेर पठाइएका २४ जनामा संक्रमण पुष्टि भएको थियो । सोमबार पुष्टि भएकाहरु पनि आरडीटी गरेर घर पठाइएका हुन् ।

नगरपालिकाकाका अनुसार कुल ७५ जनामध्ये २४ जनाको पोजेटिभ आएको थियो भने ८१ वटा स्वाबको नतिजा आउन बाँकी थियो । त्यसमध्ये सोमबार थप नौ जनाको पोजेटिभ रिपोर्ट आएको हो ।

यसअघि, २८ जेठमा पनि धादिङमा १६ जनामा कोरोना पुष्टि भएको थियो । त्यसो त नेपालका कोरोना संक्रमित तेस्रो व्यक्ति धादिङको भएको खुलेको थियो भने उनी विदेशबाट नेपाल आएपछि पार्टी र घुमघाममा सामेल बताइएको थियो ।

काठमाडौंबाट धादिङ र धादिङबाट काठमाडौं आएकी महिलामा पनि कोरोना देखिएको थियो भने धादिङ घर भएकी र धादिङबाट काठमाडौं आएर कोरोना परीक्षण गराउँदा मिडियामा संलग्न एक जना महिलामा पनि कोरोना पुष्टि भएको थियो ।

यी समाचार छुटाउनु भयो की ?

काठमाडौं चार, ललितपुमार एक जनामा कोरोना पुष्टि

नेपालमा कोरोना संक्रमित ६ हजार नाघे, आज थपिए ४५१ संक्रमित
यी हुन् कोरोनाबाट ज्यान गुमाउने नवौं व्यक्ति

यसरी सर्छ कोरोना, कोरोनाबाट बच्न सकिने टिप्ससहित (भिडियाे)